大家都知道糖尿病可以分為一型同二型兩種，不過治療嘅時候，單靠呢兩種分類並唔足夠所以有學者就建議按病情及病因應細分成五類等醫護人員對糖尿病有更深入認識，制定治療方案嘅時侯可以更準確身邊有親友係高風險人士都可以睇下以下分類，知多啲對預防糖尿病都好有幫助㗎 !
【 第一類 – 自身免疫嚴重糖尿病 】
通常年輕時就會發病，同一型糖尿病患者相似，患者大致健康，體重正常至偏瘦不過因為免疫系統問題，令身體無法自行分泌胰島素。
【 第二類 – 胰島素缺乏嚴重糖尿病 】
與第１類患者相似，年輕、體重正常至偏瘦胰島素分泌不足導致出現糖尿病，分別係第２類患者較常出現與糖尿病相關嘅眼疾。
【第三類 – 胰島素阻抗嚴重糖尿病】
患者可以自行分泌胰島素，但有胰島素阻抗作用，身型肥胖，較大可能出現腎病。
【第四類 – 肥胖有關輕度糖尿病】
患者同時有肥胖及糖尿病問題，雖然冇代謝綜合症，但應該有小量嘅胰島素阻抗作用。
【第五類 – 年齡有關輕度糖尿病】
年輕時冇徵狀，直到6、70歲先慢慢出現糖尿病，因為隨住年紀增長胰臟β-細胞數目下跌，胰島素分泌功能亦下降，不足以應付身體需要。
